شبابنا

شباب على القهاوى وفى الطرقات
تسألهم عن وظايفهم
يقولولك زمن الوظايف عدى وفات
تقلهم فى اعلانات وظايف بتنزل
 يقلك دى محجوزه لولاد البهوات
حاول مش هتخسر يمكن تقبل
يقلي مد ايدك فى جيبك وادينى ألوفات
عشان اديها للبشوات
ليردوا يعينونى بعد ولاد البهوات
يعنى قاعدة القهوى هتفيدك
 احسن اطق من حالى وابقى من الاموات
قوم اشتغل فى اى حاجه
يعنى بعد ما اكون خريج كليات
اصبح  سواق عربيات
الشغل مش عيب انا عارف انا معاك
انا خريج من الاوائل فى الجامعات
الحكومه بتعلمنا ليه ما يقفلوا الكليات
اهالينا يصرفوا علينا
وبعد كده نبقى عالى على البلد وعاهات
فعلا شبابنا محتاجين الي يساعدهم
وياخد بأديهم بس نديهم الوظايف الي تليق بيهم
مش يبقى من مهندس معمار
 لسواق عربية بخضار

بقلم:محمد فارس